გიოლეკვა

25-30 ნოემბერს ჩატარდა NEERC-ის ფინალი, რომელიც ამავდროულად არის ACM ICPC მსოფლიო ჩემპიონატის ჩრდილო-აღმოსავლეთ ევროპის რეგიონის ნახევარფინალი. საქართველოს გუნდები ამ ოლიმპიადაში წელს ვმონაწილეობდით 10-ეჯერ, მაგრამ სამწუხაროდ აქამდე ვერცერთმა გუნდმა ვერ მოახერხა ამ ეტაპის გადალახვა და ფინალში ასპარეზობის უფლების მოპოვება. ხოლო წელს ეს ეტაპიც გადალახული იქნა "Tbilisi SU 1 (Bogdanovi, Jimsheleishvili, Lekveishvili)" გუნდის მიერ. ფინალი გაიმართება 2009 წლის 18-22 აპრილს სტოქჰოლმში, შვედეთი. სულ ოლიმპიადაზე მოცემული იყო 11 ამოცანა, აქედან ჩვენმა გუნდმა შესძლო ამოეხსნა 8 და დაიკავა 7-ე ადგილი, თუმცა ყოველი უნივერსიტეტიდან მხოლოდ ერთ საუკეთესო გუნდს ეძლევა ფინალსი მონაწილეობის საშუალება. აქედან გამომდინარე ფინალისტებს დავიკავეთ 5-ე ადგილი. აქ შეგიძლიათ იხილოთ სრული შედეგები. კიდევ 2 ამოცანა გვქონდა მოფიქრებული, რომელთაგანაც ერთის მაინც გატარება სავსებით რეალური იყო, რაც საკმარისი იყო პირველ ადგილზე გასვლისათვის, მაგრამ ამდენი უკვე ვეღარ მოვახერხეთ .